هاي لقطات حقيقية من حسابات إعلانية أدرناها. خفينا أسماء الحملات والمنافسين احتراماً لعملائنا، والأرقام زي ما هي.
أي وكالة بتقدر تقول إنها «بتجيب نتائج». الفرق إنك تشوف الرقم. بويف بنقيس كل حملة بثلاث أسئلة: قديش كلّفت المحادثة أو الليد، قديش رجع مبيعات مقابل كل دينار، وهل الإعلان وصل للناس الصح. اللقطات تحت من مدير إعلانات ميتا وغوغل ومن لوحة متجر إلكتروني، وكل وحدة معها شرح بسيط لشو بيعني الرقم.
النتائج بتختلف حسب المنتج والسوق والميزانية والعرض، فهاي أمثلة على طريقة شغلنا، مش وعد برقم معيّن.
حملة Lead Ads على فيسبوك وانستغرام هدفها أشخاص بيتركوا رقمهم لفريق المبيعات. قسمة الصرف على عدد الليدز بتعطي تكلفة حوالي 3.9 دولار لكل عميل محتمل.
الإعلان والميديا باينغ ←
حملة مبيعات لمتجر أونلاين على ميتا، بعملة الحساب (شيكل). ROAS 59.3 يعني إن كل وحدة صُرفت على هالحملة رجعت حوالي 59 وحدة مبيعات حسب تتبع البكسل. رقم استثنائي وما بيتكرر بكل حملة، بس بيوضح شو بيصير لما المحتوى والجمهور والتتبع مضبوطين مع بعض.
الإعلان والميديا باينغ ←
لوحة متجر إلكتروني بين 27 كانون الأول 2025 و26 كانون الثاني 2026، مقارنة بالشهر اللي قبله (الخط المنقط). الطلبات طلعت من أرقام قليلة لموجات يومية متكررة خلال الشهر.
صفحات الهبوط والتتبع ←
حملة وعي كبيرة بميزانية حوالي 59 ألف دولار. بحملات الوعي ما بنكتفي بالوصول: بنراقب كم واحد كمّل أول ثلاث ثواني من الفيديو، لأنه هاد اللي بيقول إذا الهوك شغّال. هون الفيديو انشاف ثلاث ثواني أو أكثر حوالي 29.9 مليون مرة.
الإعلان والميديا باينغ ←
تقرير Auction Insights لحملة بحث على غوغل. حصة ظهورنا 34.82% بينما أقرب منافس حوالي 10.66% والباقي أقل من 10%. وإعلاننا طلع بأعلى الصفحة 64% من المرات، وبأول مكان تماماً 47.56% منها. أسماء المنافسين مخفية.
الإعلان والميديا باينغ ←
إعلان ممول لبيت الرعب Phobia بعمّان، كتبناه وصوّرناه بأسلوب سينمائي. المشاركة هي أقوى إشارة إن المحتوى عجب الناس لدرجة إنهم بعتوه لغيرهم، و20 ألف مشاركة لإعلان مدفوع رقم نادر.
صناعة المحتوى ←
احكي معنا على واتساب، احكيلنا شو بتبيع ولمين، وبنرجعلك بفكرة أولية وخطة.
احكي معنا على واتساب